बागमती गाउँपालीकामा परियोजना सल्लाहकार समितिको बैठक सम्पन्न

यस ग्रामीण सामुदायिक संस्था विकास (रिकोड)बाट सञ्चालित खाद्य सुरक्षा तथा पोषण सुधार परियोजनाको २०८१ साल पसु ५ गते शुक्रवार बागमती गाउँपालीकामा परियोजना सल्लाहकार समितिको बैठक बस्यो । उक्त बैठकको अध्यक्षता बागमती गाउँपालीकाका उपाध्यक्ष श्री भक्त बहादुर दर्लामी मगरले गर्नुभयो । बैठकको अघिल्लो दिन पुस ४ गते सल्लाहकार समितिका सदस्यहरुबाट परियोजना क्षेत्रको अनुगमन गरिएको थियो । बैठकमा बागमती गाउँपालिका वडा अध्यक्षहरू लगायत शिक्षा शाखा, कृषि शाखा, स्वास्थ्य शाखा, पशु शाखा, सूचना प्रविधि शाखा र महिला तथा वालवालिका शाखाबाट शाखा प्रमुखहरु सहभागी हुनुभयो साथै रिकोडबाट अध्यक्ष श्री तुलसी शर्मा, सचिव श्री लक्ष्मि प्रसाद तिमल्सिना, उपाध्यक्ष श्री रचना महर्जन, कार्यकारी निर्देशक श्री रामहरी घिमिरे लगायत परियोजनाका कर्मचारीहरूको उपस्थिती रहेको थियो । बैठकले समग्रमा रिकोडले राम्रो काम गरेको, आगामी दिनमा समन्वय र साझेदारिता बृद्धि गर्ने र यो परियोजनाको निरन्तरताका लागि सम्बन्धित निकायहरुमा आवस्यक पहल गर्ने समेत निर्णय गर्यो ।